சர்வ சுதர்சன நல்ல நேரம் என்றால் பின்வருமாறு விளக்கம் தருகிறோம். பொதுவாக நமது வீட்டில் அல்லது நமது தொழில் செய்யும் இடத்தில் சுபகாரியங்கள் செய்யும் போதும், பிரயாணம் தொடங்கும் போதும், மற்ற எந்த சுபகாரியங்கள் செய்யும் போதும் ராகு காலம், எமகண்டம் இருக்கக் கூடாது. மற்றும் சுப ஓரைகளில் செய்யும் எந்த காரியம் ஆனாலும் நமக்கு வெற்றி தான். எனவே சுப ஓரைகளில் தான் சுபகாரியங்கள் செய்வோம். அடுத்து கௌரி நல்ல நேரம் அதாவது லாபம், அமிர்தம், தனம், உத்தமம் இருந்தால் நல்லது. எனவே, நாம் கொடுத்துள்ள சர்வ சுதர்சன நல்ல நேரம் என்பது பிரபல பஞ்சாங்க நிபுணர்களை வைத்து ஆராய்ந்து, சுப ஓரைகளோடும், கௌரி நல்ல நேரமாகவும், ராகு காலம், எமகண்டம் இல்லாத நேரமாக இருக்கும். இதை பார்ப்பது மிகவும் எளிது. இறுதியாக சர்வ சுதர்சன நல்ல நேரத்தில் செய்யும் அனைத்து காரியங்களும் ஜெயம் தான்.